Vläicht kenns du Happytoys schonn als Online-Sexshop, mee hannert deem Webshop stécht natierlech eng ganz Geschicht. An déi Geschicht erzielen ech dir gär selwer.

Well Happytoys ass fir mech vill méi wéi just e Webshop, wou een e Vibrator, en Dildo, e Masturbator oder en anert Sexspillchen bestelle kann.

Et geet mir virun allem ëm Plaisir, Entdecken, Vertrauen an de Courage, dech selwer ze sinn.

An natierlech ëm mäi Liiblingsmotto:

Liewer Happy wéi Easy. ❤️

Wéi ech mat Happytoys ugefaangen hunn, war mir séier kloer, datt ech et anescht wollt maachen ewéi bei engem gewéinlechen Onlineshop.

Natierlech muss en Onlineshop e schéinen Assortiment hunn an d'Bestelle muss einfach a sécher sinn. Mä ech fannen, datt bei Produkter ronderëm d'Sexualitéit nach eppes vill Méi Wichteges dobäikënnt: perséinlech Berodung.

E Sexspillgezei kaaft een nämlech net einfach sou, well et zoufälleg uewen op enger Lëscht steet.

Wat fir deen een super funktionéiert, kann fir een aneren iwwerhaapt näischt bréngen.

Deen een huet gär mëll, subtil Vibratiounen, wärend een aneren eben op der Sich no engem kräftege Vibrator ass. Verschidde Leit wëlle just klitoral Stimulatioun, anerer fannen d'Penetratioun méi wichteg. An da gëtt et nach Leit, déi zesumme mat hirem Partner experimentéiere wëllen.

Dofir gleewen ech net sou un een "bescht" Sexspillgezei.

Dat bescht Spillgezei ass dat Spillgezei, dat bei dech passt.

Sexualité ass fir mech eppes, wou een einfach driwwer schwätze kënne muss.

Net komplizéiert. Net iwwerdriwwe eescht. A sécher net eppes, fir dat een sech schumme muss.

Och wann s de e bëssen zéier bass

Ech weess, datt et net fir jiddwereen einfach ass, Froen iwwer Sex ze stellen.

Vläicht wëlls de wëssen, wéi eng Vibrator gëeegent ass, wann s de nach ni e Spillsaach benotzt hues. Vläicht fros de dech, wat den Ënnerscheed tëscht engem Loftdrockvibrator an engem gewéinleche Vibrator ass. Oder vläicht bass de virwëtzeg op e Spillsaach fir dech an dengen Partner.

Dat sinn alles normal Froen.

An éierlech gesot, fannen ech et souguer flott, Leit dobäi ze hëllefen.

Du muss bei mir wierklech net d'Gefill hunn, datt s de eng domm Fro stell.

Et gëtt eigentlech keng domm Froen, wann et ëm Sexualitéit geet.

Eis Motto ass net just e flotte Slogan.

Leiwer Happy wéi Easy bedeit fir mech, datt ech mir léiwer d'Zäit huelen, fir erauszefannen, wat wierklech bei een passt, anstatt einfach déi bequemst Wiel ze treffen. Mir sinn keng Firma vun engem Investisseur mat däieren Leasing-Autoen, déi Foussballveräiner sponsert, fir am Mëttelpunkt ze stoen... Oder eng Firma, déi Supermarchésdirektere Sue gëtt, fir un dir sou vill wéi méiglech ze verdéngen... mir ginn dir Berodung....

Net dat deierst, net dat beléifst, mee dat richtegt

Ech muss dir net onbedéngt dat deierst Produkt verkafen. An och net dat Produkt mat de meeschte Funktiounen. Wann en einfacht Spillsaach besser bei dech passt, dann ass dat fir mech dee beschte Rot.

Well schlussendlech wëll ech nëmmen eng Saach:

Datt du frou bass mat dengem Choix.