Wann däi Partner emol keng Loscht op Sex huet, dann akzeptéiers du dat. Wat s du awer nach probéiere kanns, ass hien oder hatt vun de gesondheetleche Virdeeler z'iwwerzeegen. Dat sinn der nämlech zimmlech vill.

Wat s du och maache kanns, ass dës Lëscht mat de gesondheetleche Virdeeler auszedrécken an op de Frigo ze hänken. Check dann direkt och emol, wat déi bescht Zäit ass, fir sech léif ze hunn.

Ass Sex gesond?

Ass de Poopst kathoulesch? Jo, natierlech ass Sex gesond, virausgesat datt et mat géigesäitegem Averstand geschitt. Mä wat sinn genee d'gesondheetlech Virdeeler? Mir lëschte se hei op, gestäipt duerch Fuerschung. Gutt Argumenter, fir méi dacks d'Handy ewechzeleeën.

1. Gutt fir deng Immunitéit

„Verschidde Studien hu gewisen, datt sexuell aktiv Leit manner Krankedeeg huelen“, esou d'Professesch Yvonne Kristin Fulbright vun der Universitéit vu Michigan. Dem isländesch-amerikanesche Seksuolog no hunn Leit, déi dacks Sex hunn, en héijen Niveau un Antikierper, déi dech viru Krankheetserreeger, Virussen an aner Eedrénger schützen. Wëssenschaftler vun der Wilkes University a Pennsylvania confirméieren dat an enger Etüd mat Studenten.

Nieft dem Léifshunn muss een natierlech méi fir eng gutt Immunitéit maachen: gesond iessen, vill beweegen a genuch schlofen.

2. Méi niddregen Blutdrock

Fuerschung suggeréiert en Zesummenhang tëscht Sex an engem méi niddregen Blutdrock, schreift Joseph J. Pinzone, Chief Medical Officer beim HCI. „Et goufen der vill Studien“, seet hien zu WebMD. „Beweisend Fuerschung huet gewisen, datt géigesäiteg sexuell Handlungen (net Masturbatioun) den systolesche Blutdrock erofsetze.“ Dat ass de sougenannten ieweschte Wäert, déi éischt Zuel bei dengem Blutdrocktest.

3. Héchert Libido

Dat ass e bësse wéi d'Fro no Héng an Ee, mä méi Sex bedeit eng méi héich Libido. Eng méi héich Libido mécht d'Chance op e gutt Sexliewen nees méi grouss. Wann dëse Kreeslaf mol leeft, da bass du gutt drun. Dat hu mir eis net aus den Fanger gesuckelt, mä vum Dr. Lauren Streicher. „Bei Frae suergt reegelméissege Sex iwwerdeems fir eng besser Schmierung, Duerchbluddung an Elastizitéit, wouduerch et sech méi gemittlech ufillt“, esou d'Professesch fir Gebuertshëllef a Gynäkologie un der medizinescher Fakultéit vun der Northwestern University an hirem Buch.

4. Verklengert d'Chance op Prostatakarriär

Eemol den Dag en Orgasmus reduzéiert d'Chance op Prostatakarriär, ass d'Konklusioun vun enger  Studie vun der Harvard Medical School zu Boston.

Et gëtt méi Studien, déi confirméieren, datt Sex méiglecherweis eng Roll bei der Préventioun vu Prostatakarriär spillt. Mä et ass méi Fuerschung noutwenneg, fir dat mat Sécherheet ze soen. Fréier Fuerschung aus 2004 huet gewisen, datt et keen Zesummenhang gëtt. Mir soen: Schued et net, da nëtzt et net.

5. Sex ass gutt fir d'Blasekontroll vu Fraen

E staarke Beckenbuedem ass wichteg, fir Inkontinenz ze verhënneren, eppes wat méi spéit am Liewen ongeféier 30 Prozent vun de Fraen trëfft. Wärend engem Orgasmus zéien d'Beckenbuedemmuskele sech zesummen a ginn trainéiert. Kloer.

6. Péngstëllend

Sichs du no enger Paracetamol? Probéier fir d'éischt mol en Orgasmus. „Sex kann Péng blockéieren“, esou Barry R. Komisaruk, e féierende Professer op der Rutgers–New Brunswick, der staatlecher Universitéit vun New Jersey. Wärend engem Orgasmus gëtt en Hormon ofginn, dat hëlleft d'Pénggrenz eropzesetzen.

7. Bessere Schlof

E ënnerverschate Gesondheetsproblem ass e schlechte Schlof. Eng vun de Léisunge ass Sex am traditionellsten Moment vum Dag; virum Schlofen. „No engem Orgasmus gëtt d'Hormon Prolaktin fräi, dat verantwortlech ass fir Gefiller vun Entspanung an Schloofregkeet. Nom Geschlechtsverkéier schlofe déi meescht Leit besser“, schreift d'ausgezeechent Psychiatrin Sheenie Ambardar.

8. Méi Sex bedeit manner Stress

D'selwecht Sheenie Ambardar verlinkt Sex och mat manner Stress. „Bei sexueller Erreegung gëtt e chemesche Stoff am Gehir fräi, deen d'Genoss- a Belounungssystem vun dengem Gehir stimuléiert an en anere Stëfter, deen berouegt. Sex an Intimitéit kënnen och deng Selbstuechtung a Gléck vergréisseren“, schreift Ambardar. „Et ass net just e Rezept fir e gesond Liewen, mä och fir e glécklecht Liewen ouni Stress.“

9. Senkt de Risiko op en Häerzinfarkt

E gutt Sexliewen ass gutt fir d'Häerz, dem fréier an dësem Artikel zitéierten Joseph J. Pinzone no. Sex erhéicht dengen Häerzschlag, suergt fir eng gutt Blutzirkulatioun an hëlleft deng Östrogen- an Testosteronniveauen am Gläichgewiicht ze halen. „Wann ee vun deenen zwee niddreg ass, kanns du Problemer kréien, wéi Osteoporose an souguer Häerzkrankheeten“, seet Pinzone.

Wärend dëser Studie hunn Männer, déi mindestens zweemol d'Woch sexuell aktiv sinn, d'Halschent manner Chance un enger Häerzkrankheet ze stierwen wéi Männer, déi rar Sex hunn.